НАВУКОВА-ВЫТВОРЧАЕ РЭСПУБЛІКАНСКАЕ ЎНІТАРНАЕ ПРАДПРЫЕМСТВА НАВУКОВА-ДАСЛЕДЧЫ ІНСТЫТУТ ТЭХНІЧНАЙ АБАРОНЫ ІНФАРМАЦЫІ

Прызначана для аўтаматызаванага падліку колькасці транспартных сродкаў, якія праходзяць праз зададзеныя аператарам палосы руху на кантралюемым вырабам участку праезнай часткі аўтамабільнай дарогі, у тым ліку паблізу скрыжаванняў дарог.

Сфарміраваная вырабам інфармацыя аб колькасці транспартных сродкаў у палосах даступная для выкарыстання ў Цэнтры збору інфармацыі ў мэтах статыстычнага ўліку інтэнсіўнасці дарожнага руху на кантралюемым участку праезнай часткі аўтамабільнай дарогі, а таксама ў мэтах кіравання святлафорамі для выключэння затораў.

Выраб забяспечвае наступныя магчымасці:

- задаваць па камандзе аператара кантралюемыя палосы руху транспартнага патоку – шляхам указання (на электроннай выяве кантралюемага вырабам участка дарогі) пачатковых і канцавых пунктаў адрэзкаў, якія ўтвараюць для кожнай паласы дзве яе падоўжныя межы, а таксама пачатковую стоп-лінію і канцавую лінію, якая вызначае працягласць кантралюемага ўчастка паласы;

- захоўваць па камандзе аператара ў памяці вырабу зададзеныя палосы руху транспартнага патоку;

-  выконваць аўтаматычную загрузку апошніх ужываных настроек палос руху транспартнага патоку;

- задаваць па камандзе аператара рэжым работы вырабу, пры якім выраб выконвае загрузку настроек для палос руху транспартнага патоку, выбраных аператарам з захаваных раней;

- кантраляваць бягучы час шляхам вываду даных убудаванага календара і гадзінніка на электроннай выяве (час сінхранізуецца з сістэмным часам);

- задаваць па камандзе аператара значэнне таймера кантролю (па ўмаўчанні – 5 секунд);

- задаваць па камандзе аператара інтэрвал часу, які выкарыстоўваецца вырабам пры фарміраванні вынікаў уліку, з прадастаўляемага вырабам дыяпазону, існуючага ў захаваных у памяці вырабу даных па выніках кантролю інтэнсіўнасці руху;

- кантраляваць наяўнасць сувязі з датчыкам транспартных сродкаў (відэакамерай).

Датчык транспартных сродкаў (відэакамера) са складу вырабу перадае па бесправадным канале сувязі тэхналогіі GSM (4G) відэапаток з выявай кантралюемага вырабам участку аўтамабільнай дарогі ў ПЭВМ (у Цэнтры збору інфармацыі ці ў месцы дыслакацыі абсталявання відэаназірання), якая знаходзіцца пад кіраваннем спецыялізаванага праграмнага забеспячэння (СПЗ) са складу вырабу.

СПЗ ажыццяўляе працэдуру распазнавання транспартных сродкаў у палосах і іх падлік.

Перад пачаткам работы датчык транспартных сродкаў са складу вырабу павінен быць размешчаны ў месцы дыслакацыі стацыянарнага пункта ўліку інтэнсіўнасці руху транспартнага патоку кантралюемай дарогі, а спецыялізаванае праграмнае забеспячэнне са складу вырабу запушчана на выкананне ў ПЭВМ у Цэнтры збору інфармацыі. Межы кантралюемых вырабам палос руху першапачаткова павінны быць зададзены аператарам на адлюстроўваемай вырабам на экране ПЭВМ выяве кантралюемага ўчастка праезнай часткі аўтамабільнай дарогі (у далейшым, пры паўторным уключэнні вырабу ў работу пасля яго выключэння, выраб выкарыстоўвае зададзеныя аператарам межы аўтаматычна).

Даныя аб часе правядзення замеру і аб вымеранай колькасці транспартных сродкаў у кантралюемых палосах захоўваюцца вырабам і могуць быць выкарыстаны ў далейшым у мэтах статыстычнага ўліку ці кіравання святлафорамі для выключэння затораў.

Выраб па камандзе выводзіць на экран ПЭВМ даныя аб інтэнсіўнасці руху ў кантралюемых палосах за зададзены аператарам інтэрвал часу.

·     Датчык транспартных сродкаў (відэакамера).

·     Спецыялізаванае праграмнае забеспячэнне (на электронным носьбіце).

·     Інструкцыя па эксплуатацыі.

 ·     Пашпарт.

·       Рэспубліканскія органы дзяржаўнага кіравання, іншыя дзяржаўныя органы і арганізацыі, прадпрыемствы і арганізацыі Рэспублікі Беларусь недзяржаўнай формы ўласнасці;

·       органы мясцовага кіравання і самакіравання абласнога тэрытарыяльнага ўзроўню;

·       IТ-індустрыя;

·       банкі і фінансавыя ўстановы;

·       гандлёвыя і гандлёва-вытворчыя прадпрыемствы;

·       транспартныя і лагістычныя прадпрыемствы;

·       прамысловыя прадпрыемствы;

·       тэлекамунікацыйныя прадпрыемствы і прадпрыемствы паштовай сувязі.