НАВУКОВА-ВЫТВОРЧАЕ РЭСПУБЛІКАНСКАЕ ЎНІТАРНАЕ ПРАДПРЫЕМСТВА НАВУКОВА-ДАСЛЕДЧЫ ІНСТЫТУТ ТЭХНІЧНАЙ АБАРОНЫ ІНФАРМАЦЫІ

Прызначаны для ўстаноўкі на грамадскім транспартным сродку для збору, захоўвання і перадачы ў апаратна-праграмны комплекс маніторынгу транспарту (АПК) тэхнічнай інфармацыі аб транспартным сродку, якая паступае ў выраб ад датчыкаў са складу вырабу

Выраб выконвае захоўванне інфармацыі з забеспячэннем доступу да яе аператару па месцы ўстаноўкі вырабу з выкарыстаннем органаў кіравання блока апрацоўкі даных са складу вырабу, а таксама дыстанцыйна – пры дапамозе АПК.

Даныя, якія перадаюцца вырабам у АПК, змяшчаюць інфармацыю, што дазваляе АПК:

·        фарміраваць на электроннай карце маршруты руху транспартных сродкаў і іх бягучае месцазнаходжанне;

·        выконваць маніторынг пасажырапатоку па кожным прыпынку і па ўсіх транспартных сродках за зададзены аператарам АПК перыяд часу на аснове даных ад вырабаў, атрыманых і захаваных у АПК.

Выраб выконвае вывад інфармацыі ў АПК па канале стандарту мабільнай радыёсувязі аўтаматычна (бесперапынна) і/ці па запыце АПК.

У вырабе прадугледжана магчымасць настройкі параметраў работы шляхам загрузкі ў яго памяць даных з тэхнічнай інфармацыяй, прызначанай для вадзіцеля транспартнага сродку (нумар маршруту руху, бягучы час і г.д.).

Выраб выкарыстоўвае бесправадны канал стандарту мабільнай радыёсувязі для выканання абмену данымі і камандамі паміж вырабам і АПК (пры наяўнасці свабоднага канала бесправадной радыёсувязі з АПК).

Выраб у перадатным паведамленні ўказвае ідэнтыфікацыйны нумар транспартнага сродку, зададзены пры мантажы і настройцы вырабу.

Выраб кантралюе сувязь з АПК, абмен данымі з АПК і атрыманне каманд ад АПК, у тым ліку:

·     устаноўка ў памяці вырабу перадатных ад АПК параметраў ініцыялізацыі (бягучы час);

перадача навігацыйных даных і даных пра бягучую колькасць пасажыраў на транспартным сродку за бягучы рабочы дзень у АПК па запыце аператара.

Навігацыйны модуль і датчыкі падліку колькасці пасажыраў са складу вырабу перадаюць інфармацыю пра навігацыйныя даныя і колькасць пасажыраў, якія ўвайшлі/ выйшлі, у блок апрацоўкі даных. Блок апрацоўкі даных, знаходзячыся пад кіраваннем праграмнага забеспячэння (ПЗ) са складу вырабу, ажыццяўляе перадачу даных у ПЭВМ АПК па радыёканале.

Выраб выконвае збор інфармацыі аб руху транспартнага сродку (па ўмаўчанні – за бягучы працоўны дзень) – навігацыйных даных (шырата, даўгата, хуткасць і напрамак руху – па сігналах спадарожнікавай навігацыйнай сістэмы GPS/ГЛАНАС, даных аб колькасці пасажыраў, якія ўвайшлі і выйшлі на прыпыначных пунктах.

·       Блок апрацоўкі даных (у камплекце з навігацыйным модулем і модулем сувязі з АПК па канале стандарту мабільнай радыёсувязі 4G і/ці 3G).

·       Блок сілкавання ад бартавога электрасілкавання транспартнага сродку.

·       Блок інфармавання (індыкатарны і галасавы для аўтаматычнага інфарміравання вадзіцеля і пасажыраў аб найменнях прыпыначных пунктаў і аб іншай інфармацыі, што загружаецца ў памяць блока апрацоўкі даных вырабу ад АПК).

·       Датчык колькасці пасажыраў (відэакамера ў камплекце са сродкамі мацавання і падключэння да блока апрацоўкі даных – да 5 шт.)

·       Камутатар.

·       Праграмнае забеспячэнне (на электронным носьбіце).

·       Інструкцыя па эксплуатацыі.

 ·      Пашпарт.

·       Рэспубліканскія органы дзяржаўнага кіравання, іншыя дзяржаўныя органы і арганізацыі, прадпрыемствы і арганізацыі Рэспублікі Беларусь недзяржаўнай формы ўласнасці;

·       органы мясцовага кіравання і самакіравання абласнога тэрытарыяльнага ўзроўню;

·       IТ-індустрыя;

·       банкі і фінансавыя ўстановы;

·       гандлёвыя і гандлёва-вытворчыя прадпрыемствы;

·       транспартныя і лагістычныя прадпрыемствы;

·       прамысловыя прадпрыемствы;

·       тэлекамунікацыйныя прадпрыемствы і прадпрыемствы паштовай сувязі.